ငြိမ်းချမ်းရေးဗိသုကာဦးသန့် 

နိုဝင်ဘာ ၂၅ရက်နေ့ဟာ ကုလသမဂ္ဂအထွေထွေ အတွင်းရေးမှူးချုပ်အဖြစ် တာဝန်ထမ်းဆောင်ခဲ့တဲ့ မြန်မာ့ဂုဏ်ဆောင် ဦးသန့် ကွယ်လွန်ခဲ့တဲ့နေ့ ဖြစ်ပါတယ်။

၁၉၆၁ ခုနှစ်ကနေ ၁၉၇၁ခုနှစ်အထိ တာဝန်ထမ်းဆောင်ခဲ့တဲ့ မြန်မာ့ဂုဏ်ဆောင် ဦးသန့် ကို ၁၉၀၉ ခုနှစ် ဇန်နဝါရီ ၂၂ ရက်နေ့ မှာ ဧရာဝတီတိုင်း ပန်းတနော်မြို့ မှာမွေးဖွားခဲ့ပါတယ်။ ၁၉၂၈ မှာ ပန်းတနော်မှာ ကျောင်းဆရာပြန်လုပ်ပါတယ်။ ၁၉၃၁ ခုနှစ်မှာ ကျောင်းအုပ်ကြီး ဖြစ်ပါတယ်။ ၁၉၆၁ ခုနှစ်မှာ အတွင်းရေးချုပ် Dag Hammarskjold(Sweden) ကွန်ဂိုနိုင်ငံကို အသွားလေယာဉ်ပျက်ကျ ကွယ်လွန်ရာ ဦးသန့်ဟာ အများသဘောတူရွေးချယ်ချက်နဲ့ နိုဝင်ဘာလမှာ ကုလသမဂ္ဂအထွေထွေ အတွင်းရေးမှူးချုပ်ဖြစ်လာပါတယ်။ သူ့ ရဲ့ ပထမသက်တမ်း (၁၉၆၁-၁၉၆၆) ကျူးဘားဒုံးပျံ အကြပ်အတည်းနဲ့ ကွန်ကိုပြည်တွင်းစစ်ကို အောင်မြင်စွာ ကိုင်တွယ်ဖြေရှင်းနိုင်လို့ ချီးကျူးခြင်းခံခဲ့ရပါတယ်။ ၁၉၆၆မှာ ဒုတိယအကြိမ် တာဝန်ထမ်းဆောင်ဖို့ အရွေးခံခဲ့ရပြီး ၁၉၇၁ မှာ ရာထူးမှ အနားယူခဲ့ပါတယ်။ဦးသန့်ဟာ အသက်၆၅နှစ်အရွယ် ၂၅ရက် နိုဝင်ဘာ ၁၉၇၄ခုနှစ်မှာ နာမကျန်းဖြစ်ပြီး ကွယ်လွန်အနိစ္စရောက်ရှိခဲ့ပါတယ်။ယနေ့ဟာ မြန်မာတို့ရဲ့ ဂုဏ်ဆောင် ငြိမ်းချမ်းရေးဗိသုကာကြီး ကမ္ဘာ့ကုလသမဂ္ဂ အထွေထွေအတွင်းရေးမှုးချုပ်ဟောင်း ဦးသန့်ကွယ်လွန်ခဲ့တာ ၃၅နှစ်သက်တမ်းရှိခဲ့ပါပြီ။ဦးသန့်ကို မှီခဲ့တဲ့သူတွေကော၊ မမှီခဲ့ မသိခဲ့သူများအတွက် ကော သူ့ရဲ့ပုံရိပ်များကို ပြန်လည်တင်ပြလိုက်ရပါသည်။

ဦးသန့် အရေးအခင်း

ဦးသန့် ဟာ၁၉၇၄ခု နိုဝင်ဘာ ၂၅ရက်နေ့ မှာ နယူးယောက်မြို့ မှာ ကွယ်လွန်ခဲ့ပါတယ်။ ၁၉၇၄ ခုနှစ် ဒီဇင်ဘာ ၁ရက်နေ့ မှာ ဦးသန့်ရုပ်အလောင်း မြန်မာနိုင်ငံကို ရောက်ရှိလာပါတယ်။ ဦးသန့်ရဲ့ဂုဏ်သိက္ခာနဲ့ ထင်ပေါကျော်စောမှုကို မနာလိုတဲ့ ဦးနေဝင်းအစိုးရဟာ ဦးသန့်ရဲ့ရုပ်အလောင်းကို ကျိုက္ကဆံမြင်းပြိုင်ကွင်းဟောင်းမှာ ပြီးစလွယ်ထားကာ ထိုက်တန်တဲ့အခမ်းအနားမပါပဲ ဒီဇင်ဘာလ ၅ ရက်နေ့၊ နေ့လည် ၁ နာရီ အချိန်မှာ ကြံတော သချိင်္ုင်းမှာ သင်္ဂြိုလ်ဖို့ စီစဉ်ခဲ့ပါတယ်။ နိုင်ငံတော်ဈာပန အဖြစ် တခမ်းတနား ဂုဏ်ပြုသင်္ဂြိုလ်လိမ့်မယ်လို့ ယူဆနေတဲ့ ကျောင်းသားထုဟာ ပေါက်ကွဲပါတော့တယ်။

ကျောင်းသားများ ဦးဆောင်သည့် ရဟန်း ရှင်လူပြည်သူ အပေါင်းက ဦးသန့် ရုပ်ကလာပ်ကို တက္ကသိုလ် နယ်မြေဘွဲ့ နှင်းသဘင် ခန်းမရှေ့ သို့ သယ်ဆောင် လာပြီး၊ ကျောင်းသား သမဂ္ဂ အဆောက်အဦဟောင်း (၁၉၆၂ ခုနှစ် ဇူလိုင် ၇ရက်နေ့မှာ ဦးနေဝင်းအစိုးရက ဒိုင်းနမိုက်ဖောက်ဖျက်ဆီးခဲ့တဲ့အဆောက်အဦး) နေရာကိုရှင်းလင်းပြီး အုတ်ဂူတည်ဆောက်သင်္ဂြိုလ်ဖို့လုပ်ကြတယ်။ ငြိမ်းချမ်းရေးဂူဗိမာန်ကိုလည်း တည်ဆောက်ဖို့ ဆုံးဖြတ်ကြတယ်။ ရန်ကုန်စက်မှုတက္ကသိုလ် ဗိသုကာကျောင်းသား များနဲ့  Civil ကျောင်းသားများက ပုံဆွဲပြီး ဦးသန့်အုတ်ဂူနဲ့ ယာယီဂူဗိမာန်ကို ကျောင်းပေါင်းစုံမှ ကျောင်းသားများက စတင်ဆောက်လုပ်ပါတယ်။

ဒီဇင်ဘာ ၁၁ရက်နေ့ မှာတော့ နေဝင်းစစ်အစိုးရဟာ တက္ကသိုလ်နယ်မြေထဲကို ကျူးကျော်ပြီး ကျောင်းသားတွေကို အကြမ်းဖက်နှိမ်နင်းပါတော့တယ်။ ကျောင်းသားတချို့ အသက်ဆုံးရှုံးခဲ့ရပါတယ်။ အုတ်ဂူကို ဖောက်ခွဲပြီး သင်္ဂြိုလ်ပြီးတဲ့ ရုပ်ကလပ်ကို ထုတ်ယူသွားပါတော့တယ်။

နေဝင်းအစိုးရရဲ့ရက်စက်မှုကို မကျေနပ်တဲ့ ပြည်သူတချို့ ဟာ အစိုးရနဲ့ သက်ဆိုင်တဲ့ ဆိုရှယ်လစ်ပါတီယူနစ်များ၊ရဲစခန်းများနှင့် ရုပ်ရှင်ရုံအချို့ကိုတန်ပြန်မီးရှို့တိုက်ခိုက်ခဲ့ကြပါတယ်။

ရန်ကုန်မြို့မှာသေနတ်သံတွေဆူညံသွားခဲ့ပါတယ်။ဦးနေဝင်း အစိုးရဟာ တင့်ကားတွေနဲ့ လှည့်လည် စစ်ရေးပြခဲ့ ကြပါတယ်။

နောက်ဆုံးမှာတော့ ဦးနေဝင်းအစိုးရဟာ ဦးသန့် ရဲ့ ရုပ်အလောင်းကို ကန်တော်မင်ပန်းခြံမှာ မြှုပ်နှံလိုက်ပါတယ်။

ဦးသန့်၏ ပုံရိပ်များ

ဦးသန့်  ကျူးဘားသမ္မတ ကက်စထရိုနဲ့ ဆွေးနွေးပြီးပြန်အလာ






မြန်မာတို့၏ ဂုဏ်ဆောင်


ဦးသန့်အတွက် ဂုဏ်ပြုတဲ့ ဝပ်ဆိုဒ်

ဦးသန့်ဝပ်ဆိုဒ်



ဦးသန့်အရေးအခင်းစာအုပ် (စက်မှုတက္ကသိုလ်စိုးဝင်း) ဒီမှာ ဒေါင်းယူပါ။

အကျယ်ချုပ်ဘ၀ဖြင့်သာ နေထိုင်ခွင့်ရနေသော်ငြားလည်း

အကျယ်ချုပ်ဘ၀ဖြင့်သာ နေထိုင်ခွင့်ရနေသော်ငြားလည်း
အပြုံးမပျက် ကြံကြံခံကာ ဒီမီုကရေစီ ရရှိရေးအတွက် တွန်းလှန်နေတာ
ဒေါ်အောင်ဆန်းစုကြည်ပါ..........

ဲမြန်မာ့ ဒီမိုကရေစီ အဖွဲ့ ချုပ်ကြီး ( NLD ) ၏ ဦးဆောင်ဦးရွက်ဖြစ်သော ဒေါ်အောင်ဆန်းစုကြည်ဟာဆိုရင်ယနေ့တိုင် နေအိမ်အကျယ်ချုပ်နဲ့ နေထိုင်နေရတာ ကမ္ဘာ ကအသိပါ။ စစ်အစိုးရက ဘယ်လိုပဲနည်းလမ်းရှာပြိး ဒေါ်အောင်ဆန်းစုကြည် ယနေ့တိုင် အပြုံးမပျက်နဲ့ မြန်မာပြည်သူများအတွက် ဒီမိုကရေစီရရှိရေးကို ဆက်လက်ကြိုးပမ်းနေဆဲပါ။ ဒါကြောင့်လည်း ကျွန်တော်တို့ ဒီမိုကရေစီရရှိရေးအတွက် ကြိုးပမ်း နေတဲ့ မိတ်ဆွေများကို ဒေါ်စုကြည်ရဲ့ မိန့်ခွန်းတစ်ချို့ကို ဝေငှချင်ပါတယ်။ ဒေါ်အောင်ဆန်းစုကြည်ပြောခဲ့ပါတယ်....ဒီမိုကရေစီဆိုတာ ပြည်သူလူထု ၏အုပ်ချုပ်မှုစနစ်ဖြစ်ပါတယ်။ ဒါကြောင်ညွန်ကြားချက်ကိုပဲစောင့်ပြီး မလုပ်ကြပါနဲ့။ ညွန်ကြားသင့်သလောက် ကို အခွင့်အရေး ရသလောက်ညွှန်ကြားပေးမယ်။ အောက်ခြေပြည်သူလူထုကလည်း လုပ်သင့်တာ ကိုတာဝန်သိသိနဲ့လုပ်ကြရမယ်။ မြန်မာနိုင်ငံသားတွေရဲ့စိတ်ထဲမှာတော့ ဒီမိုကရေစီ ကိုလိုချင်တယ်၊ အစိုးရကိုဆန့်ကျင်ချင်တယ် ၊ ဒါပေမယ့် မဆန့်ကျင်ရဲ မလုပ်ရဲတာက အစိုးရရဲ့ ထောင်ဒဏ်နဲ့ စိးပွားဖျက်မှုကိုကြောက်လို့ မလုပ်ရဲကြတာပါ။ အခု မြန်မာပြည်သူုပြည်သား တွေ နေထိုင်နေရတာလည်း ထောင်အကြီး ကြီး နဲ့အတူတူပါပဲ။ ထောင်အကြီးကြီးကနေ အသေးလေးကို ပြောင်းသွားတာကိုကြောက်မနေ ကြပါနဲ့လို့ ပြောကြားထားပါတယ်။ အခုအခြေအနေအရဆိုရင် ဒီမိုကရေစီ ရရှိရေး အတွက် လုပ်ဆောင်နေကြတဲ့ အသွင်ဟာခေါင်းဆောင် တွေကပဲ လှုပ်နေတာမို့လို ခေါင်းပဲလှုပ်နေတဲ့ လေဖြတ်နေတဲ့လူနဲ့တူတယ်လို့တချို့တွေကလည်း ဝေဖန်ကြပါတယ်။ အခုမြန်မာနိုင်ငံသူ ၊ နိုင်ငံသားတွေ ဟာ ၁ဦး ၁ယောက်ပျက်ဆီးမှာ ကိုကြောက်နေကြလို့ ဒီမိုကရေစီရရှိရေးကိုတက်ညီလက်ညီ မလုပ်ဆောင်ရင် တိုင်းပြည်ဟာ ပျက်ဆီးရပါ တော့မယ်။ မြန်မာနိုင်ငံကြိးဟာဆိုရင် ဥပဒေစိုးမိုးမှုမရှိတဲ့၊ တရားမျှတမှု မရှိတဲ့နိုင်ငံ ဖြစ်နေပါတယ်။ ဒါကြောင့် လူစဉ်မမှီ တော့ တဲ့နိုင်ငံမှာနေထိုင်ကြတဲ့ လူတွေဟာလည်း လူတွေရရှိသင့်တဲ့အခွင့်အရေး အပြည့်အ၀မရရှိဘဲ လူနဲ့တူအောင်မနေနိုင်ကြပါဘူး။ နအဖ အစိုးရက ဘယ်လိုပဲ အေးချမ်းသာယာပြီး ခေတ်မှီ ဖွံ့ဖြိုးတိုးတက်တဲ့နိုင်ငံ တော်ဆီသိုိ့လို့ ညွှန်းနေသော်လည်း ၊ ဥပဒေ စိုးမိုးမှု မရှိ တဲနိုင်ငံဟာဘယ်တော့မှ တည်ငြိမ်တဲ့ နိုင်ငံဖြစ်မျာ မဟုတ်ပါဘူး။ ဥပဒေကို မှန်မှန်ကန်ကန်မသုံးတဲ့ အစိုးရက ရပ်ရွာအေးချမ်းသာယာရေး ကိုလည်း ဘယ်တော့မှ စွမ်းဆောင်နိုင်မှာ မဟုတပါဘူး။ နိုင်ငံကို တကယ်ပဲ တိုးတက်စေချင်တယ်ဆိုရင်တော့ပြည်သူမအများ က တရားမျှတ တဲ့ ဥပဒေစိုးမိုးမှုရှိဖို့ ဒီမိုကရေစီရရှိရေးကို ကြိုးပမ်းကြပါစို့လို့လည်း ...ဒေါ်အောင်ဆန်းစုကြည်က ပြောကြားခဲ့တာကို အကျဉ်း ချုပ်တင်ပြလိုက်ပါတယ်။

ရေးသားတင်ပြသူ-တင်ညီညီထိုက်

တတိယလှိုင်းတို့ နားချပါဦး

ဇော်မင်း (လူ့ဘောင်သစ်)
ဗီယက်နမ် နိုင်ငံသည် ယနေ့ခေတ်တွင် ထိုင်းနိုင်ငံနှင့် အပြိုင် ကမ္ဘာတခွင်သို့ ဆန်တင်ပို့နေသော နိုင်ငံတခု ဖြစ်သည်။ ဗီယက်နမ်နိုင်ငံ၏ မြစ်ဝကျွန်းပေါ်ဒေသသည် တနိုင်ငံလုံး ဆန်အထွက်နှုန်း၏ တဝက်ကျော်ကျော်ကို ထုတ်လုပ်ပေးနေသော ဒေသလည်း ဖြစ်သည်။ တရုတ်ပြည်မှ စတင်၍ စီးဆင်းလာသော မဲခေါင်မြစ်သည် မြန်မာ၊ လာအို၊ ထိုင်း၊ ကမ္ဘောဒီးယားတို့ကို ဖြတ်ကာ နောက်ဆုံးတွင် ဗီယက်နမ်နိုင်ငံ၌ အဆုံးသတ်၍ ပင်လယ်ထဲသို့ စီးဝင်သွားသည်။ ထိုဒေသကား ဗီယက်နမ်၏ မြေသြဇာ ကြွယ်ဝသော နုံးတင် မြေနု မြစ်ဝကျွန်းပေါ်ဒေသ ဖြစ်တော့သည်။သို့သော်လည်း ဗီယက်နမ် လူမျိုးတို့ ခေါင်းခဲစရာ၊ ပူပန်စရာ ဖြစ်လာသည့် ပြဿနာကတော့ ကမ္ဘာကြီး ပူနွေးလာ၍ ပင်လယ်ရေပြင် တစတစ မြင့်တက်လာခြင်း ဆိုသည့် ကိစ္စပင် ဖြစ်သည်။ ဤအတိုင်းသာ ဆက်၍ ပင်လယ်ရေ မျက်နှာပြင် မြင့်တက်လာနေပါက နောင်လာမည့် အနှစ် ၄-၅၀ တွင် ဗီယက်နမ် နိုင်ငံ၏ မြစ်ဝကျွန်းပေါ် တစိတ်တပိုင်းသည် ပင်လယ် ရေအောက်သို့ ရောက်တော့မည်။ ထိုသို့ဆိုပါက ဆန်စပါး စိုက်ပျိုးမှု ကောင်းမွန်နေသော မြစ်ဝကျွန်းပေါ် တစိတ်တဒေသသည် အမြဲတမ်း ပင်လယ်ရေငန် ဖုံးအုပ်မှုကို ခံရတော့မည် ဖြစ်သည်။ကျွမ်းကျင်သူများ အဆိုအရ ထိုမြစ်ဝကျွန်းပေါ်၏ တစိတ်တပိုင်း ပင်လယ် ရေအောက် ရောက်ရှိပါက ဗီယက်နမ်၏ ဆန်အထွက်နှုန်းလည်း ကြောက်ခမန်းလိလိ ကျဆင်းလာမည်ဟု ဆိုကြသည်။ ထို့ကြောင့် မြစ်ဝကျွန်းပေါ်မှ လက်ရှိ ဆန်အထွက်နှုန်း၏ သုံးပုံတပုံ လျော့ပါးကျဆင်း သွားမည်ဟုလည်း တွက်ချက်ပြ ထားသည်။ စပါးစိုက်ပျိုးခြင်းဖြင့် အသက်မွေးနေသာ ဗီယက်နမ် မြစ်ဝကျွန်းပေါ်သားတို့ ဘာဆက်လုပ် ကြမည်နည်း။ ပင်လယ်ထဲ၌ ငါးဖမ်းခြင်းအလုပ်ကို ပြောင်း၍လုပ်ကိုင်ကာ ဆက်လက် အသက်မွေးမည်လော သို့မဟုတ် မြို့ပြများသို့ ပြောင်းရွှေ့ကာ မြို့ပြအခြေစိုက် အလုပ်သမားများအဖြစ် အသွင်ပြောင်းမည်လော။ သေချာသည် တခုက ယခင်က ပိုင်ဆိုင်ခဲ့သော ၎င်းတို့၏ လယ်ယာများ ပင်လယ် ရေအောက်သို့ ရောက်ရတော့မည်။ ဗီယက်နမ် မြစ်ဝကျွန်းပေါ်၏ အစိတ်အပိုင်းတချို့ ရေလွှမ်းခံရသည့်အချိန်တွင် ပင်လယ်ရေသည် ဗီယက်နမ် နိုင်ငံ တခုထဲတွင်သာ အပျော်လွန်ပြီး တန့်၍၊ရပ်၍ နေမည်မဟုတ်။ ဒေသတခုလုံးအတွင်း ထိုဆိုးကျိုးကို ခံစားကြ ရမည်လည်း ဖြစ်သည်။ ထိုင်းနိုင်ငံတွင် ဘန်ကောက်မြို့ကြီးသည် ပင်လယ်ရေ မျက်နှာပြင်အောက် ၂ လက္မခန့် နိမ့်နေသည်ဟု ဆိုကြသည်။ အထူးသဖြင့် မိုးတွင်းကာလများ၌ ဘန်ကောက်မြို့တွင်းနေရာ အတော်များများတွင် ရေကြီးလေ့ရှိသည်။ အကြီးစား ပန့်များကိုသုံးကာ ရေများကို စုပ်ထုတ်ပစ်ရသည်။ ဗီယက်နမ်၏ မြစ်ဝကျွန်းပေါ် ပင်လယ်ရေ လွှမ်းသောအခါ၌ ဘန်ကောက်တွင်လည်း ဘန်ကောက်သူ ဘန်ကောက်သားများ ဟိုဟိုသည်သည် လှေရောင်စုံများဖြင့် သွားလာနေမည်ကို မြင်ယောင် မိသေးတော့သည်။ လှေဆိပ်သာရှိ၍ ကားဆိပ်များ၊ ကားဂိတ်များ နိတ္ထိတံ ရတော့မည်။ တချိန်က အာရှတိုက်၏ ဗင်းနစ်မြို့တော်အဖြစ် တင်စားခံခဲ့ရသည့် ဘန်ကောက်သည် ထိုအချိန်တွင် ဒုတိယ ဗင်းနစ်မြို့တော်အဖြစ်သို့ ပီပီပြင်ပြင် ပြောင်းလဲရတော့မည်။ ဗင်းနစ်မြို့တော်လို အဖြစ်မခံလိုပါက ဘန်ကောက်မြို့ကိုပတ်၍ တမံတုပ်ဖို့သာရှိသည်။ နယ်သာလန်မှာလို ပင်လယ်ရေ မြင့်တက်လာခြင်းကို တမံတုပ်၍ ကာမည်လော။ ကာထား နိုင်သေးသည်။ ထိုင်းနိုင်ငံသည် ဓနကြွယ်ဝ လာနေသော နိုင်ငံတခု ဖြစ်သောကြောင့် ပင်လယ်ကမ်းရိုးတမ်းတခုလုံးကို တမံမတုပ် နိုင်ဘူးထားဦး၊ ဘန်ကောက်မြို့ကိုတော့ တမံများဖြင့် ပတ်ပတ်လည် ကာထားနိုင်သည်။ တချိန်တည်းတွင် မြန်မာနိုင်ငံဘက်ကို ပြန်ကြည့်လိုက်ပါက မြန်မာနိုင်ငံ၏ မြစ်ဝကျွန်းပေါ်ဒေသ တစိတ်တပိုင်းလည်း ပင်လယ်ရေ လွှမ်းခြင်း ခံရမည်။ ဒေသအတွင်း မြင့်တက်လာသည့် ပင်လယ်ရေကို ငါ့ဘက်မလာနဲ့ဟု တား၍ မရစကောင်း။ မြစ်ဝကျွန်းပေါ်၏ စပါးစိုက်ပျိုးနေသော လယ်မြေပမာဏ ဆုံးရှုံးမှုသည်လည်း ကြီးမားပေလိမ့်မည်။ ပင်လယ်ရေ မြင့်တက်လာခြင်းကြောင့် မြန်မာနိုင်ငံ၏ မြစ်ဝကျွန်းပေါ်တွင် ဆုံးရှုံးရသော မြေယာပမာဏသည် ဗီယက်နမ်ထက် အဆပေါင်းများစွာ ဆိုးဝါးလိမ့်မည်။ ဘာ့ကြောင့်ဆိုတာ ဆက်၍ ပြောပါမည်။မေခ၊ မေလိခ မြစ်ဆုံနေရာကို ပိတ်၍ ဆည်ဆောက်ခါ လျှပ်စစ်ဓာတ်အား ထုတ်လုပ်၍ တရုတ်ပြည်ကို ရောင်းဖို့ ပြင်နေသည်မှာ အားလုံးအသိ။ မြစ်ဆုံဒေသည် ဧရာဝတီမြစ်ကြီး မူလအစဖြစ်သည်။ မြစ်ဆုံဒေသကို ပိတ်ဆို့လိုက်ပါက အောက်ပိုင်းသို့ ဆက်လက် စီးဆင်းမည့်ရေများ တန့်၍သွားမည်။ ဤသို့ဆိုပါက အောက်အရပ် မြစ်ဝကျွန်းပေါ်ဒေသသို့ ဆက်လက် စီးဆင်းမည့် ရေပမာဏ နည်းသွားပေမည်။နားလည်လွယ်အောင် ပြောရပါက ဥပမာအားဖြင့် မြစ်ဝကျွန်းပေါ်ရှိ မြစ်ကလေးများ၊ ချောင်းကလေးများ၏ ရေအနက်သည် ၁၀ ပေဟု ဆိုပါစို့။ ကချင်ပြည်နယ် မြစ်ဆုံတွင် ဆည်ပိတ်လိုက်သောကြောင့် စီးဆင်းရမည့် ရေများတန့်ကာ ယခင်ကလို အောက်ဘက်သို့ အပြည့်အဝ မစီးဝင်နိုင်တော့။ ထို့ကြောင့် မြစ်ဝကျွန်းပေါ်ရှိ မြစ်ချောင်းများ၏ ရေအနက်သည် ၅ ပေခန့်သာ နက်တော့မည်။ ရေအမြင့် မူလထက် ၅ ပေ နိမ့်သွားသည်။ စီးဆင်း လာရမည့်ရေများ နောက်ပြန်ဆုတ် သွားရသောကြောင့် ဖြစ်သည်။ ထို့ကြောင့် ပင်လယ်ရေ မြင့်တက်လာသော ကာလတွင် ပင်လယ်ရေသည် ကမ်းရိုးတန်းတလျှောက်သာ မြင့်တက်ခြင်း မဟုတ်တော့ဘဲ အထက်ပိုင်း မိုင် ၃-၄ဝ ခန့်အထိ တိုး၍ ဝင်ရောက် လာနိုင်သည်။ မူလကဆိုလျှင် မြစ်ဝကျွန်းပေါ်သို့ အထက်မှ စီးဆင်းလာသော ရေများကြောင့် ပင်လယ်ရေများ အထက်ဘက်သို့ တိုးဝင်ချင်တိုင်း တိုးဝင်၍ မရအောင် သဘာဝအလျှောက် ရေကို ရေချင်း ဟန့်တား၊ ကာထားပေးသည်။ ရေချိုနှင့် ရေငန် ဇလုတ်တိုက်၍ အပြန်အလှန် ထိန်းထားခြင်းမှာလည်း သဘာဝတရား ဖြစ်သည်။ သို့သော်လည်း မြစ်ရေ နိမ့်ကျသွားသောအခါ ပင်လယ်ရေငန်များ အထက်ပိုင်းအထိပါ တရဟော တိုးဝင် လာတော့မည်။ ထိုရောအခါ၌ ယခင်က သဘာဝအတိုင်း မြေသြဇာ ကောင်းမွန်ခဲ့သော မြစ်ဝကျွန်းပေါ် ဒေသတခုလုံး ဆားငန်ရေများ အောက်သို့ရောက်ခါ ဆန်စပါး စိုက်ပျိုးခြင်းသည်လည်း သေဆုံးရတော့မည်။ မြစ်ဝကျွန်းပေါ်သားများ အထက်ဘက် မိုင် ၃-၄၀ သို့ ပြောင်းနေ ရတော့မည်။ ထိုသို့ပြောင်း၍ မနေလိုပါက လှေများဆောက်ခါ လှေပေါ်တွင် နေထိုင်၍ ရသမျှ ပင်လယ်ငါးလေးများ ဖမ်းကာ၊ လှေစီးလူသား မော်ဒန်ဆလုံ လူမျိုးများအဖြစ် နေထိုင်ရုံသာ ရှိတော့သည်။ မြန်မာနိုင်ငံ၏ ဝမ်းဗိုက်သည်လည်း နှစ် ၄-၅၀ အတွင်း ကွယ်ပျောက်ရတော့မည်။ နောင်အနှစ် ၄-၅၀ အတွင်း ဆန်ကို နိုင်ငံခြားမှ ပြန်၍တင်သွင်းရတော့မည်။ အာဖရိကတိုက်တွင် မိုးခေါင်သောကြောင့်၊ ဘာမှ မယ်မယ်ရရ စိုက်ပျိုးမရ၍ ငတ်ကြသည်။ မြန်မာနိုင်ငံမှာတော့ စပါးခင်းများတွင် ရေငန်ဖုံးသောကြောင့် အငတ်ဘေးကြီးကို ရင်ဆိုင်တွေ့ကြလိမ့်ဦးမည်။ထိုအချိန်မတိုင်မီ လက်ဦးဆုံး ဆုံးရှုံးရမည့်သူများကတော့ မြစ်ဆုံဒေသတဝိုက်တွင် ဘိုးစဉ်ဘောင်ဆက် လုပ်ကိုင် စားသောက်လာခဲ့သည့် ဒေသခံတိုင်းရင်းသားများ ဖြစ်သည်။ သတင်းများအရ မြစ်ဆုံဆည်ပိတ်မည့် စီမံကိန်းကြောင့် ရွာပေါင်း ၆၀ ထက်မနည်း၊ လူဦးရေသောင်း ဂဏန်းကို စစ်အစိုးရက အတင်းရွှေ့ပြောင်းတော့မည်။ လိမ္မော်ခြံများ၊ လယ်ယာမြေများ ဆည်ရေအောက်သို့ ရောက်ရတော့မည်။ ထိုသူတို့၏ မူလဘဝနေထိုင်မှုများ ဆုံးရှုံးရမည်။ နေရာနှင့် ဝင်ငွေဆုံးရှုံးမှုတင်မက ကျန်းမာရေး၊ ပညာရေး၊ ဒေသဆိုင်ရာ ယဉ်ကျေးမှုတို့ပါ ဆုံးရှုံးရဦးမည်။ သဘာဝ ပတ်ဝန်းကျင်လည်း ပျက်စီးရဦးမည် ဖြစ်သည်။ ဆက်လက်၍ ဆုံးရှုံးရမည့် သူများကတော့ မြစ်ဆုံဆည်၏ အောက်ပိုင်းတလျှောက် မြစ်ဝကျွန်းပေါ်အထိ နေထိုင်ကြသည့် နိုင်ငံသားများ ဖြစ်တော့သည်။ ဧရာဝတီမြစ်ကြီးသည် မြစိမ်းရောင်အသွင်ဖြင့် တငြိမ့်ငြိမ့် စီးဆင်းနေသည့် အခြေအနေမှ ချောင်းသာသာ၊ မြောင်းသာသာအဖြစ်သို့ ရောက်ရတော့မည်။ ဧရာဝတီမြစ်ကြီး ကောပါက ဤနိုင်ငံ၏ သမိုင်းလည်း ကောတော့မည်။ ဧရာဝတီကြောင့်သာ မြန်မာနိုင်ငံဆိုတာ ဖြစ်လာခဲ့ရသည် မဟုတ်လော။ တရုတ်အပါအဝင် အိမ်နီးချင်း နိုင်ငံများကတော့ ရသလောက် ယူမှာပဲ ဖြစ်သည်။ ခင်ဗျားတို့ မြန်မာနိုင်ငံဟာ တကယ်ဆိုရင် သေးသေးလေး။ သဘာဝ အရင်းအမြစ်တွေကို ရှိရှိသမျှ အလျင်စလို ထုတ်မသုံးပါနဲ့ဟု သူတို့ကတော့ အကြံပေးမည်မဟုတ် ပြောမည်မဟုတ်။အဆင်အခြင်မဲ့သော လုပ်ရပ်ကို ဘယ်သူတွေက ထောက်ပြဝေဖန်သနည်း။ မြန်မာနိုင်ငံ ပြင်ပမှာ နေနေသည့် အဖွဲ့အစည်းအချို့က ထောက်ပြကြသော်လည်း မြန်မာနိုင်ငံအတွင်းမှာ ရှိနေသည့် မည်သည့်အဖွဲ့အစည်းများကမှ ဤကိစ္စကို ဗိုလ်ချုပ်ကြီးများထံသို့ မတင်ပြရဲကြ။ ကြောက်နေကြရသောကြောင့် ဖြစ်သည်။ သာမန် အဖွဲ့အစည်းများကို နားလည်ပေးနိုင်ပါသည်။ သို့သော် သူတို့ကိုယ်သူတို့ နိုင်ငံရေးအရ တတိယလှိုင်းဟု ဆိုနေသော သူများလည်း ဒီလိုကိစ္စမျိုးတွင် မြန်မာစစ်ဗိုလ်ချုပ်များကို နားမချနိုင်ကြောင်း တွေ့ရသည်။ တတိယလှိုင်းတို့က ဆိုထားသည်မို့လား။ မြန်မာပြည် ဒီမိုကရေစီ အပြောင်းအလဲအတွက် စစ်ဗိုလ်များကို တဖြည်းဖြည်း နားချ၍ ပူးပေါင်းဆောင်ရွက်မည်ဟု ပြည်တွင်းထုတ် စာစောင်ဂျာနယ်အချို့မှာ ပြောနေတာ အခုအထိ ဖြစ်သည်။ နိုင်ငံတကာ ကွန်ဖရင့်တွေမှာတောင် ဒီဖော်မြူလာကို ရွှန်းရွှန်းဝေအောင် တင်ပြခဲ့ကြလို့ နိုင်ငံခြားသားများ အလယ်မှာလည်း မော်ဒရိတ်တွေ (အစွန်းမရောက်သူတွေ) ဆိုပြီး ရေပန်းစားနေသည် မဟုတ်လော။ တတိယလှိုင်းတို့ ပြောရမှာက ဗိုလ်ချုပ်ကြီးတို့ခင်ဗျား လောလောဆယ် အာဏာထိုင်ခုံက ဆင်းမပေးချင်လည်း နေပါ။ သို့သော် မြစ်ဆုံ၌ ဆည်တည်ဆောက်မည့် ကိစ္စကတော့ ရေရှည်မှာ နောင်လာနောက်သားတို့အတွက် ဆိုးကျိုးတွေ သယ်ဆောင်လာမှာ ဖြစ်သောကြောင့် မလုပ်သင့်ပါဟု ရဲရဲတင်းတင်း ပြောရမှာ ဖြစ်သည်။ သို့သော် လက်တွေ့မှာတော့ တတိယလှိုင်းသမားတို့ မပြောရဲရှာပါ။ အာဏာအပြောင်းအလဲကို အသာထား သဘာဝပတ်ဝန်းကျင် ပျက်သုန်းမည့် ကိစ္စလောက်မှ ဗိုလ်ချုပ်များကို နားမချနိုင်ပါက သည့်ထက်ကြီးမားသော ကိစ္စများ၊ အပြောင်းအလဲများကို တတိယလှိုင်းတို့ နားချနိုင်စွမ်း ရှိလိမ့်မည်ဆိုတာက သံသယဖြစ်စရာပါ။လူမိုက်များ၊ လူကောင်း ယောင်ဆောင်နေသူများ၊ အစွန်းမရောက်သူဟု ကြေညာနေသူများ၊ ထိုသူတွေ အားလုံးသည် တကယ်တော့ မိမိအုပ်စု ကောင်းစားရေး အတွက်သာ လုပ်နေသူတွေသာဖြစ်ကြောင်း မြစ်ဆုံကိစ္စ တခုတည်းနှင့်ပင် ကွက်ကွက်ကွင်းကွင်း မြင်လိုက်ရတော့သည်။
Last Updated ( Wednesday, 23 September 2009 21:25 )

သိန်းစိန် နှင့် ဥာဏ်ဝင်း ဖိနပ်နှင့် အပေါက်ခံရခြင်း

”မြန်မာနိုင်ငံ အခြေအနေ”

မြန်မာနိုင်ငံရဲ့ နောက်ဆုံးပေါ် ပညာရေးအခြေအနေကိုတင်ပြချင်ပါတယ်။ မြန်မာနိုင်ငံမှာ အပေါ်ယံအနေနဲ့ကတော့ လူတိုင်းစာတတ်မြောက်ရေးအတွက် အခြေခံ မူလတန်းပညာကို မသင်မနေရ ဆိုပြီးတော့ ပညာရေးဝန်ကြီးဌာနက သတ်မှတ်ထားပါတယ်။ ဒါပေမယ့်လည်း တကယ်တန်းမှာတော့ သူငယ်တန်းတက်ချင် ရင်တောင် ကျောင်းကိုအလှူမပေးနိုင်ရင် တက်ဖို့ မလွယ်ကူ နိုင်ပါဘူး။ မိဘတွေဆိုရင်လည်း ဆရာ၊ဆရာမတွေကို သူတို့ သားသမီး စာမေးပွဲအောင်မြင်ဖို့ အတွက် လက်ဆောင် ပဏ္ဍာ မပေးခဲ့ရတဲ့မိဘဆိုတာ မရှိသလောက်ပါဘဲ။ ဆယ်တန်းအောင်လို့ တက္ကသိုလ်ရောက်ပြန်ရင်လည်း major ဆရာ၊ ဆရာမတွေဆီမှာ ကျူရှင်မယူမိပြန်ရင် စာမေးပွဲကကျ ပြန်ရော။ ကျူရှင်ယူနိုင်ရင် လက်ဆောင်ပေးနိုင်ရင် စာမေးပွဲ အောင်နိုင်တဲ့ပညာရေး စနစ်ဆိုတာတော်တော်ကိုကြောက်ဖို့ ကောင်းပါတယ်နော်။ အနာဂတ်လူငယ်မောင်မယ်တွေရဲ့ ပညာ ရေးကတော့ မတွေးရဲပါဘူး။ ပညာမတတ်ကြပဲနဲ့ ဘွဲ့တွေရကုန်ကြတာပါ။ တကယ်တမ်းတိုင်းပြည်ပြန်လည် ထူထောင်ရေးလုပ်တော့မယ်ဆိုရင်အဓိက လိုအပ်တာက ပညာတတ်တဲ့လူငယ်တွေပါ။ ပညာတတ်ဆိုတာလည်း မြန်မာပြည်မှာမရှိသလောက်ပါ။ ရှိရင်လည်း နေရာမရပါဘူး။ နောက်တန်းမှာပဲနေရတာပါ။ ဒါကြောင့် တတ်နိုင်တဲ့ မိဘတွေက သူတို့သား၊သမီးတွေကို နိုင်ငံခြားကျောင်းတွေမှာ ထားတယ်၊ ဒါမှလည်းသူတို့သားသမီးတွေဘ၀က စိတ်အေးရမှာလေ။ မြန်မာနိုင်ငံရဲ့ပညာတတ် အနာဂတ်လူငယ် တွေတော်တော်များများဟာ အခု ဆိုရင်မြန်မာပြည်မှာ မရှိသလောက်ပါပဲ။ မြန်မာပြည်မှာ ရှိတဲ့ဘွဲ့ရဆိုတာကလည်း ပညာမတတ်ပါဘူး။ အလွတ်ကျက် ၊ကျူရှင်တက်ပြိးအောင်တာဆိုတော့ ၊တကယ်တမ်းအလုပ်ခွင်မှာ ဆိုရင်လုပ်သက်အရ လုပ်ငန်းကျွမ်းကျင်မှုနဲ့ပဲအလုပ်လုပ်နေကြတာပါ။ဘွဲ့ရလို့အလုပ်သွားတော့လျှောက်တော့လည်း အခြေခံလစာက ၃၀၀၀၀ တဲ့လေ။ ဆန်တပြည် အနည်းဆုံး ၈၀၀ိ/- ဖြစ်နေတဲ့အချိန်မှာ တစ်ဝမ်းတစ်ခါးဝအောင်စားဖို့က ဘွဲ့ရပညာတတ်တွေအတွက်မဖြစ်နိုင်တဲ့အခြေအနေဖြစ်နေပါ ပြီ ဒါကြောင့် ဘွဲ့တစ်ခုရတဲ့ ဘွဲ့ရပညာတတ် တွေဆိုတဲ့မြန်မာပြည်ကလူငယ်မောင်မယ်တွေအတွက်က တော်တော်ကို ရင်လေးဖို့ကောင်းပါတယ်။ ဒါက ပညာရေးနဲ့ ပတ်သက်တဲ့ကဏ္ဍပဲရှိပါသေးတယ်။
စီးပွားရေးမှာကျတော့လည်း....... မြန်မာပြည်ရဲ့လုပ်ငန်းကြိး တော်တော်များများကလည်း စစ်အစိုးရအဖွဲ့အစည်း ကလူတွေပါပဲ။ ပြည်သူတွေတော်တော်များများက သူတို့တွေရဲ့လက်အောက်မှာပါ။သူတို့လက်အောက်မှာ အလုပ်လုပ်ရတော့၊သူတို့လခစားဖြစ်ပြီး သူတို့ရဲ့ policy အတိုင်း ခေါင်းငုံ့ရတော့တာပေါ့။ ကျောက်မျက်ရတနာလည်း "ထူး" ၊ ရန်ကုန်ဘောလုံးအသင်းကျတော့လည်း "ထူး"၊ ဒီကြားထဲမှာ ဗိုလ်ချုပ်မှုးကြီးကတော် ဒေါ်ကြိုင်ကြိုင် တို့ကလည်း "Ocean" တို့ “ CityMart “ မှာရှယ်ယာပါသေးတယ်နိုင်ငံခြား Export & Import သစ်လုပ်ငန်းတွေမှာလည်း "ထူး" ပါပဲ။ လေကြောင်းမှာကျတော့လည်း Air Bagan ဆိုပြီး"ထူး"၊ ရပ်ကွက်ထဲက ဆိုက္ကားသမား တွေတောင်သူတို့ကို ကြောက်နေရတယ်။ ဘာဖြစ်လို့လည်း ဆိုတော့ "ထူး" ဆိုပြီးဝင်လာရင် ထမင်းငတ်ကြမှာတဲ့လေ။ ဒါကမြန်မာနိုင်ငံရဲ့စိးပွားရေးအခြေအနေပါ။ ပြောချင်တာက တော့ မြန်မာနိုင်ငံရဲ့အဓိက စီးပွားရေးကိုအုပ်ချုပ်ထားတာက စစ်အစိုးရဆိုတာပါ။ အခုတောင်မောင်တေဇ ဦးစီးပြီးတော့ ပူတာအိုမှာ ရှိတဲ့ “ ခါကာဘိုရာဇီ “တောင်ကို ကမ္ဘာလှည့်ခရီးးသွားတွေ လာအောင်ဆိုပြီး စီးပွားရေး အကွက်တွေ သူတို့ဦးစီးပြီး လုပ်နေကြပြန်ပြီ။ကျွန်တော်တို့မသိတဲ့ စီးပွားရေးလုပ်ငန်းတွေ ဘယ်လောက်တောင်ရှိဦးမယ်ဆိုတာခန်းမှန်းလို့တောင်မရနိုင်ပါဘူး။
လမ်းဘေး ဂျာနယ် ရောင်းတာတောင် ဖမ်းတယ် ဗျာ။ ”လုပ်စားတော့ မိုးခေါင်၊ ခိုးစားတော့ ခွေးဟောင်” ဆိုတာ တကယ်မှန်ပါတယ်ဗျာ။ ဒါ မြန်မာပြည်ရဲ့ နောက်ဆုံးပေါ် စီးပွားရေး စနစ်ပဲ။
ဘာသာရေး.........ဘာသာရေးကတော့ တစ်ကမ္ဘာလုံးသိကျတဲ့ အတိုင်းပါပဲ၊ ဘုရားသားတော်တွေ ဖြစ်တဲ့ ဘုန်းကြီးတွေ တောင် ရိုက်နှက် သတ်ဖြတ် တာ တော်တော့်ကိကြောက်ဖို့ကောင်းပါတယ်။ 2007,Setemper ဆိုတာ မမေ့ နိုင်စရာပါပဲ။ အရမ်း လဲဝမ်းနည်းပါတယ်၊ စိတ်ပျက် မိလို့ အားလုံးလဲ သိပြီးသားမို့ ဘာသာရေး ကို ဒီလောက်ပဲ ရေးပါရစေ။
လူမှုရေး..............လူမှုရေး က တော့ ဘယ်လိုရေးရ မှန်းတောင် မသိတော့ဘူး။ အပေါ်မှာ ရေးထားတဲ့ အကြောင်း အရာ တွေအားလုံးဟာ လူမှုရေးတွေကြီးပါပဲ ။ အထက်မှာဖော်ပြ ထားတဲ့ အရာအားလုံး ဟာလဲ ကောင်းတာ တစ်ခုမှ မပါပါဘူး။ အဲဒီတော့ လူမှုရေးလဲ မကောင်း ပါဘူး ခဗျာ။
မြန်မာနိုင်ငံ ရဲ့ကျန်းမာရေး ..........အခြေအနေတွေကို ပြန်ကြည့်ကြရအောင်။ ကျမ်းမာရေး ရှုဒေါင်ကပေါူ့တစ်ယောက်ကျမ်းမာရေးမကောင်းလို့ ကျမ်းမာရေးအခြေအနေတစ်ခုခုကြောင့် ဆေးရုံတက်ရမယ်ဆိုရင်ဖြင့် အဲဒီလူဟာ နိုင်ငံတာဝန်ထမ်းတဲ့ ၀န်ထမ်း လား၊ သာမာန် လူလား ကိုယ်မှာရှိတဲ့ ပိုက်ဆံနဲ့ အခြေအနေကိုကြည့်ပြီး လုပ်ရတာပါ။ရန်ကုန် ဆေးရုံ ကြီး ဆိုတာလဲ ဆေးရုံတက်တာနဲ့ အရက်ပြန်တို့ ဂွမ်း တို့ ဆိုတာ က အစ ၀ယ်ရတာပါ. ဒါလူတိုင်းသိပါတယ်။ပုဂ္ဂလိက ဆေးရုံ ဆိုတာကတော့ ကိုယ်မှာရှိတဲ့ ပိုက်ဆံ နဲ့ ကိုယ့်အသက်ကိုပါပေးရတာပါ။ ဒါ တကယ်ဖြစ်နေတာကိုကျွန်တော်ရေးမှာပါ "နာမည်က မခိုင်ရွှမ်းလဲ့ရည် အသက်က-၁၅ နှစ် ၉-တန်းကျောင်းသူ ဘယ်လောက်နှမျောဘို့ကောင်းသလဲ... အောက်တိုဘာလ-၂၅ ရက်နေ့က သွေးလွန်တုပ်ကွေး ရောဂါဖြစ်ပြီး ဗိုက်နာလို့ ရွှေဂုံတိုင် SSC ဆေးခန်း မှာ ဆေးသွားကုတာ ဒေါက်တာ ကြည်စိုး တဲ့ ဆုံးဖြတ်ချက် မှားပြိး သွေးလွန်တုတ်ကွေးဖြစ်တာကို အူအတက်ပေါက်တယ်ဆိုပြီး ခွဲစိတ်တာ ၂၇- ရက်နေ့ ကျတော့ မခိုင်ရွှမ်းလဲ့ရည် ခမျာ ကွယ်လွန်ခဲ့ပါတယ်။ ဦကြည်စိုး ကသူ၏သမီး ဆိုရင် ဒီလိုဖြစ်မှာမဟုတ်ပါဘူး ။ အဓိက က ကျွန်တော်ပြောချင်တာ အခုမြန်မာနိုင်ငံက နောက်ဆုံးကျန်းမာရေး အခြေအနေကိုပြောချင်တာပါ။ဲ ဒီလောက်ညံ့ဖျင်းတဲ့ ဆရာဝန်တွေ ကျွန်တော်တို့မြန်မာနိုင်ငံ မှာ ဘယ်လောက်များများ ရှိနေသလဲဆိုတာ မသိနိုင်ပါဘူး။ ဒါကလည်းပညာရေးနဲ့ဆက်ဆိုင်နေတယ်။ ဆေးတက္ကသိုလ်ကြိးမှာလည်း ကျောင်းမတက်ပဲကျူရှင်တက်၊ ဆရာတွေကို လာဘ်ထိုးရင်မေးခွန်းရပြီး အောင်နိုင်လို့ဒီလို အရည်အချင်းမရှိတဲ့ဆရာဝန်တွေ ဖြစ်လာတာပေါ့။
ဒါတွေဟာမြန်မာပြည်ကြီးမှာလက်ရှိဖြစ်ပျက်နေတဲ့ ပညာရေး၊ ဘာသာရေး၊ လူမှုရေး၊ စီးပွားရေး ၊ ကျန်းမာရေးအခြေအနေတွေပေါ့။


ဆက်လက်ရေးသားပါဦးမယ်
ရေးသားတင်ပြသူ-တင်ညီညီထိုက်

ဝင်ရေး မဝင်ရေး မြန်မာ့နိုင်ငံရေး

“၂၀၀၈ ဖွဲ့စည်းပုံဥပဒေကို မပြင်ဘူးဆိုလျှင် လုံးဝလက်သင့်မခံနိုင်ပါ။ ဒါကြောင့် ၂၀၀၈ ဖွဲ့စည်းပုံနဲ့ ပြုလုပ်မယ့် ၂၀၁၀ ရွေးကောက်ပွဲဆိုတာကိုလည်း လက်မခံပါ” ဒီစကားသည် ပြည်တွင်းရောပြည်ပမှာပါ ဒီမိုကရေစီအ တိုက်အခံများဘက်မှ ကျယ်ကျယ်ပြန့်ပြန့် ထွက်ပေါ်နေသောအသံ ဖြစ်ပါသည်။ ၂၀၀၈ ဖွဲ့စည်းပုံသည် စစ်အာ ဏာသက်ရှည်စေရန် တဖက်သတ် ရေးဆွဲထားသည်ဆိုတာကိုလည်း လူတိုင်းသိကြပါသည်။ နိုင်ငံတကာက လည်းသိကြပါသည်။ ဒီအတိုင်းသာ ၂၀၁၀ ရွေးကောက် ပွဲပြီးသွားမယ်ဆိုရင် မြန်မာလူထုကြီးသည် စစ်ကျွန်ဘ ဝကို တရားဝင်ရောက်သွားကြပြီး ဆင်းရဲသက်ရှည်ကြရပေဦးမည်။

စစ်အစိုးရကို ဆန့်ကျင်အတိုက်အခံပြုနေသော အဖွဲ့များအားလုံးနဲ့ ခေါင်းဆောင်ခေါင်းရွက် ပြုနေသူများက လည်း ဒီလိုအခြေအနေ မုချဆိုက်ရောက်လာမည်ဆိုတာကို ဟိုတုန်းကတည်းက မသိကြဘူးလားလို့ မေးရင် ဘယ်လိုဖြေကြမလဲ။ နအဖက သူ့ Road Map (၇) ချက်အတိုင်း လျှောက်နိုင်နေတယ်၊ ကိုယ့်ဘက်က သေနေ တဲ့အချိန်က များတယ်။ ပြည်တွင်းလက်နက်ကိုင်အများစုကလည်း စစ်အစိုးရရဲ့ တရားဝင်လက်အောက်ခံတွေ ဖြစ်ကုန်ပြီ။ အကြီးဆုံး အတိုက်အခံအဖွဲ့ကြီးဖြစ်တဲ့ အန်အယ်လ်ဒီမှာလည်း ဘယ်သူ လူကြီးလဲလို့မေးရင် ထောင်ကျ၊ အချုပ်ကျနေသူတွေကိုပဲ လက်ညှိုးထိုးပြနေကြတယ်။ အပြင်မှာရှိနေသူ ခေါင်းဆောင်များကလည်း ခေါင်းဆောင်အမည်ခံထားကြပြီး အောက်ခြေက ပါတီဝင်တွေနဲ့ လူထုကို ဆက်လုပ်နေကြရမယ့် လမ်းစဉ်တွေ မူဝါဒတွေ ဘာမှ မယ်မယ်ရရ ချမပေးနိုင်ဘဲ ခပ်တည်တည်နဲ့ ခေါင်းဆောင်တွေနေရာမှာ အနှစ် (၂၀) လောက် ထိုင်နေကြတယ်။ ခုတော့ အသက်တွေကြီးပြီး အိုဘေး နာဘေးနဲ့ ရင်ဆိုင်နေကြရပြန်ပြီ၊ သူတို့ နာတာထက် တိုင်းပြည်က ကုစားလို့မရအောင် နာခဲ့ပါပြီ။

အန်အယ်လ်ဒီ လက်ရှိရင်ဆိုင်နေရတဲ့ အကျပ်အတည်းဟာ ၂၀၁၀ရွေးကောက်ပွဲကို ဝင်မလား၊ မဝင်ဘူးလား ဆိုတာ ဆုံးဖြတ်ရတော့မယ့် ပြဿနာပါ။ ဦးဝင်တင်ကတော့ ရွှေဂုံတိုင်စာတမ်းမှာ ဖော်ပြတဲ့အတိုင်း ၂၀၀၈ ဖွဲ့ စည်းပုံကို ပြင်ပေးဖို့၊ တွေ့ဆုံဆွေးနွေးဖို့၊ ဒီလိုမှမဟုတ်ရင်တော့ ရွေးကောက်ပွဲကို လုံးဝ မဝင်ရေးဘက်မှာ အ ပြတ်ရပ်နေတာတွေ့ရပါတယ်။ အန်အယ်လ်ဒီထဲမှာ ဦးဝင်းတင်နဲ့ သဘောထားတူသူတွေရှိသလို၊ မတူသူလည်း ရှိနိုင်ပါတယ်။ ဘာပဲဖြစ်ဖြစ် အနှစ် (၂၀) လောက် ဘာလုပ်ရမယ်လို့ ညွှန်ကြားချက်မရခဲ့ကြဘဲ ငုတ်တုပ်ထိုင်ပြီး စောင့်နေခဲ့ကြရတဲ့ အောက်ခြေက အန်အယ်လ်ဒီပါတီဝင်တွေနဲ့ လူထုက ဒီလောက်အရေးကြီးနေတဲ့ အချိန်မှာ ဘာလုပ်ရမလဲဆိုတာ သိချင်နေကြပါပြီ။ ရွေးကောက်ပွဲအတွက် ပြင်ဆင်ကြရမှာလား၊ ဒါမှမဟုတ် ရွေးကောက် ပွဲကို သပိတ်မှောက်ဖို့အတွက် ကြိုတင်ပြီး ဘာတွေလုပ်ကြရမလဲဆိုတာ သိချင်နေကြပါတယ်။ သို့သော်လည်း အန်အယ်လ်ဒီ ဗဟိုကတော့ ထုံးစံအတိုင်း ‘ငြိမ်’ ဆိုတဲ့ အနေအထားမှာရှိတုံးပါပဲ။ ယနေ့အခြေအနေကလည်း ငြိမ်နေလို့မရအောင် တွန်းပို့နေပါပြီ။ ဘယ်လိုပင် ငြိမ်နေပေမယ့် လူထုဘက်ကတော့ မေးစရာရှိတာ မေးရပါ လိမ့်မယ်။

ရွေးကောက်ပွဲကို ဝင်သင့်တယ်၊ ဝင်မှဖြစ်မယ်၊ ဝင်ကြမယ်ဆိုတဲ့ အတိုက်အခံဘက်မှ ဦးဆောင်ဦးရွက်ပြုသူ တွေနဲ့ ပေါ်လစီမိတ်ကာတွေက နအဖ ရေးဆွဲတဲ့ ၂၀၀၈ ဖွဲ့စည်းပုံဟာ စစ်ဗိုလ်အစိတ်သား အလိုလိုပါနေပါ တယ်။ ကာ/ချုပ် က ပါလီမန်ရဲ့ အထက်ကို ရောက်နေတယ်။ ဖွဲ့စည်းပုံ ပြင်ဖို့ခက်ခဲအောင် လုပ်ထားပြန်တယ်။ ဒါတွေဟာ ဒီမိုကရေစီနည်းမကျနိုင်လို့ ရေတိုရော ရေရှည်မှာပါ လူထုသာ နစ်နာမယ်ဆိုတာ သိသိကြီးနဲ့ အ ခြားနည်းလမ်း ရှာဖွေနိုင်စွမ်း မရှိကြဘူးထင်လို့ ပူးကြည့်မယ်လို့ ဆုံးဖြတ်ကြတာလား။ ၂၀၀၈ ဖွဲ့စည်းပုံမှာ စစ် ဗိုလ်ပါဝင်ချုပ်ကိုင်မှုတွေကို အခိုင်အမာထည့်သွင်းထားပြီး ပြင်ဆင်ဖို့ခက်ခဲအောင် ရေးဆွဲထားကြပေမယ့် လူ တွေ ရေးဆွဲထားတာမို့ လူတွေက ပြင်လို့ရအောင် ပြင်မယ်လို့ အခိုင်အမာ သံန္နိဌာန်တွေနဲ့ ဝင်ပူးကြမှာလား။ ဒါ ဆိုရင် နောက်ထပ် လေးနှစ်သက်တမ်း တကြိမ်၊ နှစ်ကြိမ်လောက်ကြာရင်တော့ အဖြေထွက်မှာပေါ့။ လူထုဘဝ နဲ့ဒီမိုကရေစီဟာ ဘယ်လောက်တိုးတက်လာသလဲဆိုတာနဲ့ တိုင်းကြရမှာပဲ။ တိုးတက်လာတယ်ဆိုရင် ရွေး ကောက်ပွဲဝင်ရေး (ရွေး/ဝင်) သမားတွေကို လူထုက ထောက်ခံအားပေးပါလိမ့်မယ်။ လူထုဘဝက မတိုးတက် ဘူး၊ ပိုဆိုးသွားကြတယ်ဆိုရင်တော့ တိုင်းပြည်ဖျက်တဲ့ အင်အားစုထဲမှာ ရောပြီး သမိုင်းမှတ်တမ်း ဝင်ရပါလိမ့် မယ်။

ရွေးကောက်ပွဲကို ဆန့်ကျင်တဲ့ဘက်ကို မေးကြရအောင်။ ၂၀၀၈ က တရားမမျှတဘူး၊ ဒီ ဖွဲ့စည်းပုံအတိုင်းသာ ဆိုရင် စစ်ကျွန်ပဲဖြစ်မယ်။ ဒီမိုကရေစီမဖြစ်နိုင်ဘူး၊ ဒါကြောင့် ၂၀၀၈ ဥပဒေကို မပြင်ဘဲ ရွေးကောက်ပွဲမဝင်နိုင် ဘူးပေါ့။ ရွေးကောက်ပွဲမဝင်ရင် ဘာလုပ်မလဲလို့မေးရင် တော်လှန်ရေးပဲဆက်လုပ်ကြမယ်ဆိုတဲ့ အဖြေပဲထွက် မှာပါ။ မှန်ပါတယ်။ မြန်မာပြည်မှာ ဒီမိုကရေစီမရမချင်း တော်လှန်နေကြရဦးမှာပါ။ မြန်မာပြည်ဟာ တော်လှန် ရေးနဲ့ အလွန်ရင်းနှီးကျွမ်းဝင်ပြီးသားလည်း ဖြစ်နေပါတယ်။

ဗြိတိသျှကိုလိုနီတော်လှန်ရေးကို တနိုင်ငံလုံးအတိုင်းအတာနဲ့ ဆင်နွှဲအောင်မြင်ပြီး လူထုဆန္ဒနဲ့ တက်လာတဲ့ ပထစ အစိုးရအာဏာကို တော်လှန်ရေးကောင်စီအမည်နဲ့ ဗိုလ်နေဝင်း စစ်အာဏာရှင်တစုက သိမ်းလိုက်ကြ ပြန်ပါတယ်။ ဗိုလ်နေဝင်း စစ်အစိုးရကို ယခင်ရှိပြီးသား တော်လှန်ရေးအင်အားစုတွေကလည်း ဆက်လက် တော်လှန်ခဲ့ကြပါတယ်။ ၁၉၈၈ ခုနှစ်ရောက်တော့ ဆင်းရဲလို့ စိတ်ညစ်နေတဲ့ လူထုရယ်၊ ကျောင်းသားရယ် ယ ခင်တော်လှန်ရေးအင်အားစုတွေရယ်ပေါင်းပြီး တော်လှန်ခဲ့ကြပြန်ပါတယ်။ ယနေ့အထိပဲဆိုပါစို့။ မြန်မာပြည်ရဲ့ တော်လှန်ရေးအဆက်ဆက်မှာ ဗြိတိသျှကိုလိုနီတော်လှန်ရေးကလွဲလို့ အခြားတော်လှန်ရေးများအားလုံး မ အောင်မြင်ကြပါ။ နှစ်ပေါင်း (၆၀) ကျော်တော်လှန်ရေးများ မအောင်မြင်မယ့်အပြင် လုံးပါးပါးပြီးပေါက်ပြဲရတော့ မယ့် အခြေကိုဆိုက်နေကြပါပြီ။ အခုလည်း ရွေးကောက်ပွဲဆန့်ကျင်ရေးသမားတို့ ရှေ့ဆက်ပြီး တော်လှန်ကြရ ဦးမယ်။ ဘယ်ပုံဘယ်နည်း တော်လှန်ကြမှာလဲ၊ ရွေးကောက်ပွဲဆန့်ကျင်ရေး (ရွေး/ဆန့်) ဘက်က ဝါရင့်တော် လှန်ရေးသမားတွေ၊ ဝါနုတက်ကြွတော်လှန်ရေးသမားတွေ ဖြေကြရမယ့် မေးခွန်းပါ။

တော်လှန်ရေးသက် ရှည်လွန်းလို့ ကျွမ်းပြီးသား၊ နည်းဟောင်းတွေအတိုင်းပဲ ဆက်သွားကြမှာလား၊ လူထုလူ တန်းစား အလွှာအသီးသီးထဲကို ထိုးဖောက်ဝင်ရောက်စည်းရုံးရမယ်၊ လူထုအုံကြွမှုကြီးတွေ ပေါ်ပေါက်လာ အောင်လှုံ့ဆော်ရမယ်၊ “ပြည်ညှင်း မင်းမခံနိုင်” ဆိုတဲ့မူကို အသေဆုပ်ကိုင်ပြီး တော်လှန်ကြမှာလား။ ဒီနည်းကို အခြေခံထားပြီး အခြားနည်းတွေနဲ့ ပေါင်းစပ်တော်လှန်မယ့် လမ်းစဉ်တွေရော ရှိကြပါသလား။ ပြည်တွင်းရော ပြည်ပမှာပါ ရွေး/ဆန့်သမားတွေ စဉ်းစားကြရမယ့်အချက်တွေပါ။ တော်လှန်ရေးဆိုတာကို မူးယစ်ဆေးစွဲသလို စွဲနေရမယ့် အရူးခေတ်မဟုတ်တော့ပါဘူး။ ဖိနှိပ်မှုရှိနေသမျှ တော်လှန်ရေးရှိနေမယ်ဆိုတဲ့ အယူအဆဟာ အ လွန်မှန်ပါတယ်။ ဒါပေမယ့် တော်လှန်ရေးသမားဟာ တရက်ပဲ တော်လှန် တော်လှန်၊ တလ၊ တနှစ်၊ တဘဝလုံး ပဲ တော်လှန် တော်လှန်၊ လူထုအတွက် အမြဲတစေ အကျိုးဖြစ်ထွန်းမှု ကျန်ရစ်ရပါလိမ့်မယ်။ လူထုအတွက် ရုပ် ပိုင်းဆိုင်ရာ တိုးတက်ဖြစ်ထွန်းမှုတွေ ရှိမလာနိုင်ပေမယ့် စိတ်ပိုင်းဆိုင်ရာ ခွန်အားတွေ ဆတက်ထမ်းပိုးတိုးလာ ရင် ဒီတော်လှန်ရေးဟာ မှန်ကန်တဲ့ တော်လှန်ရေးဖြစ်တယ်လို့ အမှတ်ပေးရမှာပါ။ တော်လှန်ရေးသမားက တော်လှန်လိုက် လူထုက ဆင်းရဲပင်ပန်းခံရလိုက်၊ စိတ်တွေ ကုန်ခမ်းသွားလိုက်ဆိုရင်တော့ အဲ့ဒီတော်လှန်ရေး လမ်းစဉ်ဆိုတာကို ပြန်လည်သုံးသပ်ဖို့ လိုနေပြီဆိုရင်တော့ တော်လှန်ရေးခေါင်းဆောင်တွေမှာ တာဝန်ရှိနေပါ ပြီ။ တော်လှန်ရေးခေါင်းဆောင်တွေ၊ နိုင်ငံရေးခေါင်းဆောင်တွေအနေနဲ့ ကိုယ်ကျိုးစွန့်အနစ်နာခံ၊ ဘဝပါပေး ဆပ်ပြီး လူထုအတွက် တော်လှန်ရေးလုပ်နိုင်ခြင်းဟာ မရှိမဖြစ် အခြေခံကျတဲ့ အရည်အချင်းတရပ်ဖြစ်ပေမယ့် မှန်ကန်ပြီး အောင်မြင်နိုင်တဲ့ တော်လှန်ရေးလမ်းစဉ်ကို ချမှတ်နိုင်တဲ့ အရည်အချင်းနဲ့ ပေါင်းစပ်နိုင်မှသာ လူထု ခေါင်းဆောင်ဆိုတဲ့ အမည်နဲ့ ထိုက်တန်ပေလိမ့်မယ်။ အကျပ်အတည်းတွေ အခက်အခဲတွေရှိနေလို့ မအောင် မြင်သေးတာဟု ဆင်ခြေပေးလို့မရနိုင်တော့ပါ။ ဒါကြောင့် လူထုရှေ့က တော်လှန်ရေးသမားတဦးရဲ့ အရည်အ ချင်းကို ဘာနဲ့တိုင်းတာမလဲဆိုရင် ထိုသူကိုယ်စားပြုနေတဲ့ လူ့အဖွဲ့အစည်းဟာ ဘယ်လောက်တိုး တက်မှုရှိသ လဲ ဆိုတဲ့အချက်နဲ့ပဲ တိုင်းတာရပါလိမ့်မယ်။

ရွေး/ဆန့် အဖွဲ့တို့အဖို့ တော်လှန်ရေးကိုသာ ဆက်လက်ဆင်နွှဲကြရပါတော့မယ်၊ ကုန်လွန်ခဲ့တဲ့ အနှစ် (၂၀) တော်လှန်ရေးခရီးကိုတော့ မည်သို့သုံးသပ်မယ် မသိပါ၊ သို့ပေမယ့် မအောင်မြင်သေးတာကတော့ အမှန်ပါ၊ ဒါ ကြောင့် ဆက်တိုက်ရမယ့် တိုက်ပွဲပုံစံကို ဘယ်လိုပြုပြင်ပြောင်းလဲပြီး တိုက်ကြမည်လဲ၊ အနှစ် (၂၀) လုံးလုံး မှုန်ဝါးခဲ့တဲ့ ဘုံရည်မှန်းချက်ရဲ့အောက်မှာ ပြည်တွင်းပြည်ပက ရွေး/ဆန့်တို့ ညီညွတ်စွာ အတူရပ်ကြပြီလား။ မည်သို့ဆိုစေ ရွေး/ဆန့် တို့ရဲ့ စွမ်းဆောင်ချက်များကို တွေ့ကြရတော့မှာဖြစ်ပါတယ်။ နောက်လေးနှစ်၊ နောက် ရှစ်နှစ်လောက်ကြာတဲ့အခါ လူထုအခြေအနေကို ကြည့်ရပါမယ်။ ရွေး/ဆန့် တို့ရဲ့ စွမ်းဆောင်မှု၊ တော်လှန်ရေး လမ်းစဉ် မှန်ကန်မှုကြောင့် လူထုရဲ့ရုပ်ပိုင်းဘဝတွေ ဘယ်လောက် တိုးတက်လာကြမယ်။ ရုပ်ပိုင်းအခြေအနေ မတိုးတက်နိုင်သော်မှ စိတ်ပိုင်းခံစားချက်တွေ ဘယ်လောက် တိုးတက် ပြင်းထန်လာမယ်။ ဒီမိုကရေစီရဲ့ ရန်သူ တွေကိုတိုက်မယ့် ပြည်သူ့အားတွေ ဘယ်လောက်နိုးကြား တက်ကြွလာတယ်ဆိုတာ စောင့်ကြည့်ကြရမှာပါ။ လူ ထုအတွက် ကျေနပ်လောက်တဲ့ တိုးတက်ဖြစ်ထွန်းမှုတွေ မြင်လာရပြီဆိုရင်တော့ ရွေး/ဆန့် တို့ရဲ့ လမ်းစဉ်ဟာ မှန်ကန်မည်ဖြစ်ပါလိမ့်မယ်။

ဒါကြောင့် ရွေး/ဆန့်ရော ရွေး/ဝင်ပါ ဘယ်သူတွေ မှန်ကြမလဲဆိုတာ မကြာသောကာလက အဖြေထုတ်ပေး မည်ဖြစ်ပါကြောင်း …။

ဦးဖိုးသာအောင်

ဘာဖြစ်သလဲ နာဂစ် (ဇာဂနာ)

တစ်ချို့ ကဗျာတွေက စကားလုံးတွေရဲ့ အလှကို ဖတ်ပြီး ခံစားရသလို၊ အသံအနေအထား၊ အဖြတ်အတောက် လေးတွေနဲ့ ရွတ်ဆိုတဲ့ အခါမှာ၊ နောက်ထပ် အသံကပေးတဲ့ အရသာသစ်တစ်ခု ထပ်ထွက် လာပါတယ်။ ကောင်းကင်(နိုင်ငံပြုအနုပညာမဂ္ဂဇင်း)က ရည်မွန်ရဲ့ “ကမ္ဘာကြီးပေါ်မှာ ငါတို့ဟာ” ကဗျာ အပိုင်း (၁) နဲ့ (၂) ကို ဗွီအိုအေ-မြန်မာပိုင်း(VOA-Burmese)ရဲ့ “အနုပညာမိုးကောင်းကင်” အစီအစဉ်မှာ ကိုကျော်အောင်လွင်က ခံစား ရွတ်ဆိုထားချက်ကို တစ်မျိုး ပြန်ခံစားနိုင်ဘို့ တင်ဆက်ပေးလိုက်ပါတယ်။

ဘာဖြစ်သလဲ နာဂစ်

ဆန်တွေ ရဟတ်ယဉ်စီးတယ်။

4.W.D စီးတာ

ဌားခ သိန်းခုနစ်ဆယ

်ဘိုကလေးက

အင်းလျားလမ်းထက် ဈေးကြီးတယ်။

ဘာဖြစ်သလဲ နာဂစ်

ဟော်လံဘီယာတေ

ွလခစားတယ်။

ကမ်းရိုးတန်းဖုန်း

နှစ်ဆယ့်သုံးသိန်းပေါက်တယ်။

ဘာဖြစ်သလဲ နာဂစ်

ဆားချက်တဲ့ ကန်ထ

ဲရေငန်ဝင်တယ်။

လူတစ်ထောင် အလုပ်ရဖို့

လူတစ်သိန်း ရင်းရတယ်။

နဂါးဖြစ်ဖြစ်

ပန်းဖြစ်ဖြစ်

ဘာဖြစ်လဲ နာဂစ်

ဘာမှ မဖြစ်ဘူး

ဘာမှမလုပ်သေးလို့။

ဇာဂနာ(၂၀၀၈)

(ကောင်းကင် အင်တာနက်မဂ္ဂဇင်းက ကူးယူပါတယ်)

Last Updated ( Saturday, 17 October 2009 12:51 )